Qazan ilçäseneñ iseme Qaharman Qazan dip üzgärtelde

Törkiyä başqalası Änkaranıñ Qazan ilçäseneñ isemen  Qaharman Qazan dip üzgärtü häm 15 nçe iyül’ könen Demokratiya häm milli bergälek köne bularaq räsmi yal köne itep iğlan itü turındağı qanun täqdime Törkiyä Böyek Millät Mäclesendä bertawıştan qabul itelde.

”Fätullahçı terror oyışması/ parallel’ däwlät qorılışı”nıñ  (FETÖ/PDY) 15 nçe iyül’däge tüntäreleş kereşüen totqarlaw öçen qarşılıq kürsätkän Qazanğa Qaharman iseme birelde.

Tüntäreleş kereşüenä qarşı tınıç xalıqnıñ qarşılıq kürsätüe iñ berence Qazanda başlandı.  

Ul tönne tüntäreleşçelärneñ nığıtması bulğan Akıncı kazarmasına 8 meñ keşe kilde.  

Qazan xalqı tüntäreleşne tuqtatu öçen köräşte häm bu köräştä 9 keşe şähit buldı.

Xalıq ışanıçlıları häm zalda tıñlawçı bularaq urın alğan Qazan cirle xakimiyäte başlığı Lokman Ärtürk häm yanındağı wäkillek täqdimneñ qabul itelüen ayağürä alqışladı.

Älege qanun nigezendä Änkaranıñ Qazan ilçäseneñ iseme Qaharman Qazan itep üzgärtelde.

Monnan soñ 15 nçe iyül’ köne dä Demokratiya häm milli bergälek köne bularaq räsmi yal köne bulaçaq.