Ärdoğan Putin belän telefonnan söyläşte

 Törkiyä ilbaşı Räcäp Tayyip Ärdoğan Rusiya Federaśiyäse däwlät başlığı Vladimir Putin belän telefonnan söyläşte.

İke lider Süriyä häm Ğiraqtağı soñğı taräqqiyätlär belän bu qısada terrorğa qarşı köräş xaqında fiker alıştı.

İlbaşı idaräse çığanaqları beldergänçä, Putin Süriyädä “DEAŞ” terror oyışmasına qarşı köräştä ireşkän uñışları uñayınnan Törkiyäne täbrik itte.

Putin häm Ärdoğan Xalebta bäreleşlärne tuqtatu häm şähärgä humanitar yärdäm ireşterü  mäs’äläläre xaqında söyläşte.

Liderlar Törkiyä –Rusiya arasında berençe çiratta säwdä, iqtisad häm ênergiya bulu belän bergä här tarmaqta xezmättäşlekne üsterüdäge qatğilıqlarına da basım yasadı.

Törkiyä ilbaşı Ärdoğan 9-13 nçe oktyabr’ könnärendä İstanbulda uzğan Bötendönya ênergetika kongressında qatnaşqanı öçen Putinğa räxmätlären citkerde.

Söyläşüdä 19 nçı oktyabr’dä Berlinda Ukraina mäs’äläse belän bäyle uzaçaq Normandiya dürtlege ( Rusiya Federaśiyäse, Ukraina,Franśiya, Germaniya) cıyılışı da quzğatıldı.