“241 keşene şähit itüçelärne ğafu itü mömkin tügel”

Törkiyä ilbaşı Trabzondağı çığışında ülem cäzası parlamentta qabul itelgan oçraqta üzeneñ dä anı raslayaçağın äytte

590062
“241 keşene şähit itüçelärne ğafu itü mömkin tügel”

 

 

Törkiyä ilbaşı Räcäp Tayyip Ärdoğan Konyadağı oçraşuların tögällägännän soñ Trabzonğa kitte häm hawa mäydanında üzen qarşı alğan watandaşlarğa möräcäğät itte.

Watandaşlarnıñ 15 nçe iyül’däge tüntäreleş kereşüe säbäbe belän tüntäreleşçelärne ülem cäzasına xökem itü taläbenä tuqtatluçı Ärdoğan tüntäreleş kereşüendä 241 keşeneñ şähit bulun xäterlätep monı başqaruçılarnı ğafu itüneñ mömkin bulmawın assızıqladı.

Ärdoğan ülem cäzası parlamentta qabul itelgan oçraqta üzeneñ dä anı raslayaçağın äytte häm demokratiyälärdä parlamentlar qabul itkan qararlarğa härkemneñ xörmät belän qarawı kiräklegen citkerde.

15 nçe iyül’däge tüntäreleş kereşüeneñ tınıç xalıqnı üterü belän bergä Törkiyä Cömhüriyäte däwlätenä tüntäreleş başqaru , däwlätne cimerü kereşüe buluına basım yasadı.

Terror oyışmalarına qarşı köräşkä dä tuqtalğan Ärdoğan “PKK”, “FETÖ” häm “DEAŞ”nıñ ber ük törle buluın belderep,alarğa qarşı köräşneñ qatği räweştä däwam itäçägen citkerde.

Trabzonda xalıqqa möräcağät itkän ilbaşı Ärdoğan soñınann boralaq belän tuğan yağı Rizägä kitte. Ärdoğan biredä kümäk açılış tantanasında qatnaşaçaq.



Bäyläneşle xäbärlär