15 nçe iyül’ yal köne bulaçaqmı?
“Ğadälät häm qalqınu” partiyäse bu xaqtağı qanun täqdimen Törkiyä Böyek Millät Mäclese räislegenä tapşırdı
“Ğadälät häm qalqınu” partiyäse 15 nçe iyül’ könen Törkiyädä “Demokratiya häm irek köne” bularaq yal köne itep iğlan itü turındağı qanun täqdimen Törkiyä Böyek Millät Mäclese räislegenä tapşırdı.
”Ğadälät häm qalqınu” partiyäse ğomum başlığı häm premyer-ministr Binali Yıldırım belän “Aq” partiyäle 100 dän kübräk xalıq ışanıçlısı qul quyğan qanun täqdime Änkaranıñ Qazan ilçäseneñ isemen “Qaharman Qazan”dip üzgärtüne , şulay uq Milli bäyräm häm ğomum yal könnäre turındağı qanunğa 15 nçe iyül’ könen dä östäwne küzdä tota.
Nigeznamädä ağımdağı yılnıñ 15 nçe iyülendä “Fätullahçı terror oyışması”nıñ Törkiyä däwläten, demokratiyäne ,milli iradäne maqsat itep alğan xain tüntäreleş kereşüe başqaruı ,moña qarşı Änkara häm İstanbul berençe çiratta bulu belän bergä Törkiyäneñ här cirendä watandaşlarnıñ ayawsız köräşüläre belderelde.
Qanun täqdimendä tüntäreleşçelär ştab itep qullanğan Akıncı hava bazası urnaşqan Änkaranıñ Qazan ilçäsen Qaharman Qazan itep üzgärtü dä soraldı.
