Yıldırım: “Yañartıla alınğan ênergiyanıñ ähämiyäte arta bara”

Premyer-ministr Yıldırım Törkiyäneñ ênergetikadağı üseştä Qıtaydan soñ 2nçe il buluına basım yasadı.

586703
Yıldırım: “Yañartıla alınğan ênergiyanıñ ähämiyäte arta bara”

Törkiyä Premyer-ministrı Binali Yıldırım İstanbulda oyıştırılğan 23nçe Bötendönya ênergetika kongressın açu utırışında çığış yasadı.

Premyer-ministr Binali Yıldırım OECD äğzaläre arasında 10 yıllıq çorda ênergiya soraw-taläp artuı iñ tiz räweştä tormışqa aşqan ilneñ Törkiyä buluın äytte.

Yıldırım Törkiyäneñ ênergetikadağı üseştä Qıtaydan soñ 2nçe il buluına basım yasadı.

Törkiyädä ênergiya soraw-taläbeneñ dönyadağı urtaça külämennän 3 märtäbä diyärlek tağın da tizräk artuına iğtibarnı yünältüçe Binali Yıldırım: "Törkiyä global’ ênergiya iminlege qamilläşterelep, daimi bula alırlıq, kiñ qırlı iqtisadi üseşneñ nigezenä qarağan êşçänlekkä täwäkkällek belän öleş kertüen däwam itäçäk”, - dip äytte.

Yıldırım: "Törkiyäneñ ênergiya säwdäse üzägenä äylänä aluı maqsatı - telgä alınğan torışı belän häm gaznıñ kerüenä häm çığuına mömkinlek birüçe täqdim itü iminlegenä öleş kertüçe proyektlar belän küätländerelergä tiyeş”, - dip belderde.

Premyer-ministr Yıldırım: "Êlektrda soñğı 10 yılda qorılğan köçebezne näq ike märtäbägä citkerdek. Êlektr êşläp çığaruda bigräk tä cirle häm yañartıla alınğan çığanaqlarıbıznı qullanıp yaña stanśiyälärne ğamälgä kertäbez. İlebez yañartıla alınğan ênergiyanıñ dönyadağı üseş alğan awışlığın yaqınnan küzätep bara häm yañartıla alınğan ênergiyanıñ ähämiyäten häm östenlegen añlawğa här kön tağın da kübräk iğtibar kürsätä”, - dip assızıqladı.



Bäyläneşle xäbärlär