"Süriyä häm Ğiraqta bergä tınıçlıq urnaştırıyq"
Ärdoğan 23nçe Bötendönya Ênergetika konferenśiyasendä çığış yasadı
Törkiyä ilbaşı Räcäp Tayyip Ärdoğan dönya liderlarına möräcäğat itep: “Äydägez, Süriyä häm Ğiraqta (Ğıyraqta) bergä tınıçlıq urnaştırıyq,” – dide.
Ärdoğan tübändägeçä däwam itterde: “Terrorçılıq global’ problema bulğaç, qalğan däwlätlärdän dä xuplaw kötü tabiği. İlebezdäge terrorçılıqqa qarşı niçek itep köräşäbez ikän, Süriyä häm Ğiraqta (Ğıyraqta) da monı başqaruıbız mäcbüri. Bez barlıq bolar belän dönyanıñ ênergetika berlege öçen dä tırışlıq quyabız.”
Ärdoğan İstanbulda oyıştırılğan 23nçe Bötendönya ênergetika konferenśiyasendä çığış yasadı.
Törkiyä ilbaşı: “Törkiyädä ênergetikanıñ här ölkäsendä citdi investiśiya potenśialı bar. Törkiyägä ışanuçı, ilebezdä investiśiya kertkän ükenmäde, ükenmäyäçäk tä,” – dide.
Ärdoğan 3nçe Atom-töş üzäk stanśiya proyektın çınğa aşıru êzlänüendä buluın äytep: “Maqsatıbız – ênergetika ixtıyacıbıznıñ 10%ın atom-töş ênergiyadan täêmin itü,” – dide.
Törek ağımı belän bäyle êşçänleklärneñ däwam itüen dä beldergän Ärdoğan: “Azärbaycan nefte belän ber rättän Baqı-Tbilisi-Cäyhan ütkärgeçen çınğa aşırdıq. TANAPnı tözibez. Azärbaycan gazı Awrupağa bu ütkärgeç aşa kitäçäk. Törek ağımı proyektı öçen isä êşçänleklärebez däwam itä,” – dide.
