Ğädättän tış xäl ozınaytıldı

Törkiyä Premyer-ministrı urınbasarı häm Xökümät Süzçese Numan Kurtulmuş ğädättän tış xälneñ 19nçı oktyabr könennän başlap 90 köngä  ozınaytıluına qarar birelgänen söyläde.

Törkiyä däwlät başlığı Räcäp Tayyip Ärdoğan citäkçelegendä  Däwlät Başlığı Kölliyätendä uzğan Ministrlar kabinetı şurasınıñ cıyılışı däwam itkändä matbuğatqa açıqlawlar yasağan Kurtulmuş:

“Ministrlar kabinetında söyläşelgän mäsälälärdän berse 2016nçı yılnıñ 21 nçe iyul könendä yäşäyeşkä kergän häm 19nçı oktyabr könendä tögellänäçäk Ğädättän tış xälneñ ikençe tapqır ozınaytıluı häm 19nçı oktyabr tön urtasında,Törkiyä säğäte buyınça säğät 01.00dä yañartılu qararı. Ministrlar kabinetı (Milli İminlek Şurasınıñ uzğan atnadağı) kiñäş qararın ütäp 90 könlek waqıtı belän ozınaytu qararı birgän ide”,dide.

Numan Kurtulmuş Fätullahçı terror oyışması parallel däwlät qorılışı (FETÖ/PDY) atamanı Fätullah Gülänneñ kire qaytarıluı belän bäyle Amerika Quşma Ştatları belän söyläşülärneñ däwam itüen citkerep:

“Amerikan räsmi zatlarınıñ üz cawaplılıqların cirenä citkerü öçen êşçänleklär alıp barıla. Bu qarar Amerikan xökem itü organnarı tarafınnan birelgänçä bu keşeneñ saq astında totıluın taläp itäbez. Cibärelgän dosyeda- monıñ belän bäyle taläp bar.Bu möräcäğätneñ iñ qısqa waqıtta qänäğätländeräcäğen häm adımnarnıñ yasalaçağına ışanıp qalabız”,dide.

Färat Qalqanı operaśiyäse belän bäyle kiräkle  bularaq da açıqlawlar yasağan Kurtulmuş:

“Süriyäneñ bötenlegeñ saqlap qaluı, Törkiyä cirläreneñ DEAŞ  wä  YPG belän ber rättän terror oyışmalarınıñ höcümnärennän saqlap qaluı häm terror koridorın barlıqqa kilüen totqarlap qalu öçen yasalğan operaśiya bulıp tora.Bu  ayıruça - DEAŞ belän bäyle ber köräş. Şuşı töbäkneñ iminle ber töbäk  xalenä kiterü- iñ berençe maqsatıbız bulıp tora. Operaśiya täwäkkäl räweştä däwam itäçäk”,digän süzlärne qullandı.