Ğäräbstannıñ ikençe räsmi keşese Änkarada

Premyer-ministr Binali Yıldırım terror belän köräş mäsäläsendä Soğud Ğäräpstan belän xezmättäşlekne arttırıp däwam itäçäklären belderde.

Ğäräbstannıñ ikençe räsmi keşese bularaq belengän Varis Prinś Muhammäd bin Nayif bin Abdulaziz es Suud 29nçe sentyabr könne başqala Änkarağa kilde.

Prinśnıñ berençe tuqtalışı Çankaya sarayı buldı.

Oyıştırılğan räsmi tantanadan soñ Yıldırım Prinś belän qara qarşı  oçraşuı häm delegaśiyälär arasında bulğan oçraşulardan soñ, Prinśnıñ xörmätenä uzdırılğan kiçke aşta oçraştı.

Oçraşuda ike ildän küp sanda ministrlar qatnaştı.

İqtisad häm ênergetika belän bergä ike yaqlı mönäsäbätlär söyläşelde.

Premyer-ministr Yıldırım 15 iyul tüntäreleş kereşüe qarşısında Soğud Ğäräpstannıñ kürsätkän köçle yärdämläşü öçen varis Prinś Muhammäd bin Naifkä räxmätlären belderde.

Terrorçılıq belän köräştä ike il mönäsäbätlärenä qağılıp kitkän Premyer-ministr  bu mäsälädä Soğud Ğäräpstan belän xezmättäşläkne arttırıp däwam itäçäklären assızıqladı.

Premyer-ministr Yıldırım regional mäsälälärdä qaraşlarnıñ turı kilgänen beldergän Soğud Ğäräpstan belän ber rättän Süriyä häm Törkiyä- Qultıq  xezmättäşlege illärneñ mönäsäbätläre belän bergä, xalıqara mäsälälärdä dä tärtiple oçraşu  häm kiñäşmä êçendä buluı äxämiyätle buluın söyläde.