İlbaşı qolliyäsendä iminlek oçraşuı

İlbaşı Räcäp Tayyip Ärdoğan räislegendäge cıyılışta Premyer-ministr Binali Yıldırım, Ğomum ştab başlığı armiya generalı Hulusi Akar, Tışqı êşlär ministrı Mäwlüt Çavuşoğlu, Êçke êşlär ministrı Söläyman Soylu, Milli saqlanu ministrı Fikri Işık belän iminlek byurokratları qatnaştı.

Yaqınça 2 säğät yarım däwam itkän cıyılışnıñ könüzäk kön tärtibe terrorçılıq ide.

“PKK” terror oyışmasına qarşı ütkärelüçe operaśiyälär tikşerelgän cıyılışta Süriyädäge täräqqiyätlär dä quzğatıldı.

Däwam itüçe “Färat qalqanı” operaśiyäsendäge soñğı wazğiyät häm “DEAŞ” terror oyışması belän köräş täfsille räweştä qarap çığıldı.

Çik buyı iminlege tağın ber qat cıyılışta küzdän kiçerelde.

“Fätullahçı” (FETÖ/PDY) terror oyışması/parallel däwlät qorılışı belän köräşneñ neçkälekläre dä iminlek oçraşuınıñ kön tärtibendä ide.

Tikşerü êşendäge barış häm “FETÖ/PDY” terror oyışmasınıñ xalıqara mäydandağı qorılışı bäyälände.