Çavuşoğlu törle il ministrları belän oçraştı

Törkiyä Tışqı êşlär ministrı Mäwlüt Çavuşoğlu Berläşkän Millätlär Oyışmasınıñ 71nçe Ğomum şura (general’ assambleya) êşendä qatnaşu öçen kitkän N’yu Y orkta oçraşularına da däwäm itä.

575563
Çavuşoğlu törle il ministrları belän oçraştı

Çavuşoğlu qatnaşuında ütkärelgän Törkiyä-Bosniya-Hersegovina-Xorvatiya häm Törkiyä-Bosniya-Hersegovina-Serbiya öç yaqlı Tışqı êşlär ministrları cıyılışlarında urtaq kön tärtibendäge mäs’älälär tikşerelde.

Meksika, İndoneziya, Könyaq Koreya, Törkiyä häm Awstraliyadan torğan “MİKTA”nıñ küçenü (migraśiya) häm qaçaqlar temasına bağışlanğan Tışqı êşlär ministrları cıyılışında isä xezmättäşlekneñ häm yökne urtaqlaşunıñ möhimlegenä basım yasaldı.

Çavuşoğlu belän Argentinalı xezmättäşe Susana Mabel Malcorra arasındağı söyläşü waqıtında da illär arasındağı xezmättäşlekne köçäytü öçen ike yaqlı säfärlärneñ ähämiyätenä iğtibar yünältelde.

Ministr Çavuşoğlu Efiopiya Tışqı êşlär ministrı Tedros Adhanom Ghebreyesus belän dä küreşep söyläşte. İke ministr arasındağı säwdä külämeneñ 1 milliard dollarğa citkerelüe zarurlığı belderelde.

Oçraşu waqıtında “Fätullahçı” (FETÖ/PDY) terror oyışması/parallel däwlät qorılışınıñ qurqınıç yaqlarına da iğtibar yünältelde.

Çavuşoğlu-Görcestan (Gruziya) Tışqı êşlär ministrı Mikheil Janelidze oçraşuında isä ike yaqlı iqtisadi, iminlek häm säyäsi xezmättäşlek mäs’äläläre söyläşelde.



Bäyläneşle xäbärlär