Tışqı êşlär ministrı Çavuşoğlu N’yu-Y orkta

Tışqı êşlär ministrı Mäwlüt Çavuşoğlu N’yu-Y orkta räsmi oçraşularına başladı.

572852
Tışqı êşlär ministrı Çavuşoğlu N’yu-Y orkta
thorbjorn jagland.jpg
miroslav lajcak.jpg
espen barth eide.jpg
peter thomson.jpg

Berläşkän Millätlär Oyışması ğomum şurasınıñ (general’ assambleyasınıñ) 71nçe ğomum söyläşülärendä qatnaşu öçen N’yu-Y orkqa kitkän Törkiyä Tışqı êşlär ministrı Mäwlüt Çavuşoğlu yäkşämbe könne räsmi oçraşularına başladı.

Çavuşoğlu Awrupa Berlege komissiyası başlığınıñ berençe urınbasarı Frans Timmermans, BMOnıñ 71nçe çirattağı ğomum şura başlığı Peter Tomson, BMO Ğomum särkätibeneñ Kipr maxsus kiñäşçese Espen Barth Eide, Awrupa Berlegeneñ çirattağı başlığı Slovakiya Tışqı êşlär ministrı Miroslav Layçak, Awrupa Şurası ğomum särkätibe Turbyorn Yagland häm Amerika Quşma Ştatları Wäkillär Palatası äğzase Eliot Engel belän küreşte.

Çavuşoğlunıñ Timmermans belän söyläşüendä 15nçe iyül’ tüntäreleş kereşüe, küçenü (migraśiya) häm viza irege mäs’äläläre, BMO Ğomum şura başlığı Tomson belän oçraşuında isä tüntäreleş kereşüe, qaçaqlar belän möhacirlär häm Süriyä belän ber rättän regional’ täräqqiyätlär quzğatıldı.

Ministr Çavuşoğlu BMO Ğomum särkätibeneñ Kipr maxsus kiñäşçese Eide belän oçraşuı waqıtında isä Kiprda alıp barıluçı söyläşülär barışına qağılışlı soñğı täräqqiyätlär bäyälände.

Çavuşoğlunıñ Awrupa Berlegeneñ çirattağı başlığı Slovakiya Tışqı êşlär ministrı Layçak belän söyläşüe waqıtında Törkiyä-Awrupa Berlege mönäsäbätläre, viza irege häm Berläşkän Millätlär Oyışmasınıñ kön tärtibendäge mäs’älälärgä tuqtalıp uzıldı.

Ministr Çavuşoğlu belän Awrupa Şurası ğomum särkätibe Turbyorn Yagland oçraşuında tüntäreleş kereşüennän soñğı täräqqiyätlär häm Törkiyä- Awrupa Şurası mönäsäbätläre telgä alındı.

Çavuşoğlunıñ Amerika Quşma Ştatları Wäkillär Palatası äğzase Engel belän oçraşuında isä ike yaqlı mönäsäbätlär söyläşelde.

Ministr Çavuşoğlu ayıruça Xalıqara tınıçlıq institutı oyıştırğan Yaqın Könçığış temalı ministrlar aş mäclesendä qatnaştı.



Bäyläneşle xäbärlär