“Färat qalqanı”nıñ 26nçı kön näticäläre

Süriyäneñ tönyağınıñ terror êlementlarınnan çistartıluı maqsatınnan çığıp 24nçe avgustta Törek qorallı köçläreneñ äydäp baruçanlığında başlatılğan “Färat qalqanı” xäräkäte qısalarında Rai töbägendä öç toraq urında kontrol’ urnaştırıldı.

Törkiyä Ğomum ştab citäkçelege yasağan belderüdä “Färat qalqanı” xäräkäteneñ 26nçı könendäge täräqqiyätlär turında mäğlümat birelde.

Yäkşämbe könne Azaz-Rai töbäkläre arasında oppoziśiyäçel köçlärdän torğan biş maxsus wazıyfa törkeme könyaq yünäleştä “DEAŞ”qa qarşı höcümnären däwam itterde, Rai töbägendä Täl Şair, Tall Ar häm Qara Quzda kontrol’ urnaştırdı.

Bäreleşlär waqıtında oppoziśiyäçel törkemnärdän kön êçendä cide keşe şähit buldı, tuğız keşe isä yaralandı.

Bilgelängän 37 “DEAŞ” maqsatına 142 gaubiśa yädräse ırğıtıldı.

Törek qorallı köçlärenä bäyle oçqıçlar Täl Arda urnaşqan ike maqsatqa ike bomba ırğıttı häm “DEAŞ” äğzaläre qullanğan ike bina yuqqa çığarıldı.

Ayıruça yäkşämbe könne säğät 20:34-22:09 aralığında Baragitah häm Sandarah töbäklärenä oyıştırılğan hawa xäräkätendä xärbi qorallar saqlağıçı, sıyınır cir häm güyä ştab bularaq qullanıluı bilgelängän öç maqsat yuqqa çığarıldı.

Koaliśiya köçläre tarafınnan da Baragidah, Gurur häm Kadriş töbäklärendä bilgelängän “DEAŞ” törkemnärenä qarşı biş hawa xäräkäte ütkärelde. “DEAŞ”nıñ dürt terrorçısı täêsirsez xälgä kiterelde häm biş bina yuqqa çığarıldı.

Süriyä çik buyında ber “Bayraqtar” häm ber küzätü hawa apparatı belän tuqtawsız küzätü êşçänlege başqarıla.

Törkiyäneñ “AFAD” afät häm ğadättän tış xällär idaräse häm “Qızılay” cämğiyätenä bäyle törkemnär “İrekle Süriyä ğaskäre” häm tınıç xalıqqa qağılışlı logistik êşçänlegen tuqtawsız alıp bara.

Töbäktä yäşäwçe tınıç xalıqnıñ zarar kürmäwe öçen härtörle çara kürelä.