Färat qalqanında soñğı wazğiyät

Färat qalqanı operaśiyasendä Törek qorallı köçläreneñ yärdäme beläñ “DEAŞ” terror oyışmasına qarşı köräş alıp barğan İrekle Süriyä Armiyase Azäz-Cärablus liniyasen berläştergän.

Şul räweşle Törkiyä – Süriyä çigendä terrorçılardan çistartılğan poyas barlıqqa kilgän.

Operaśiyaneñ 12nçe könendä 600 çaqrım2 tiräse alan “DEAŞ” terror oyışmasınnan qotqarılğan.

Törek qorallı köçläreneñ urtaq wazifa törkeme citäkçelegendä 24nçe avgust könne başlatılğan Färat qalqanı xäräkäte maqsatlarınnan bersenä ireşte.

Ğomüm ştab räislege bügengä qadär 383 urınğa meñ 599 utnıñ açıluın belderde.

12 köndä barlığı 20 “DEAŞ” terror oyışması urınına 52 Dawıl gaubiśaları häm 20 ozın radiuslı raketalar belän ut açıldı.

Ayıruça 11 mina häm 325 quldan yasalğan şartlatqıç ta yuqqa çığarıldı.

Süriyäneñ Törkiyä çige buyınça alıp barılğan xäräkättä 12nçe köndä kötelgäñ näticägä ireşelde.

İrekle Süriyä Armiyase ğaskäriläre Törek qorallı köçläreneñ yärdäme belän Azäz häm Cärablus arasındağı Törkiyä-Süriyä çigendä terrorçılardan arındırılğan poyas barlıqqa kitergän.

Törkiyä çigennän Süriyä eçenä taba 3-5 çaqrımlıq ışanıçlı poyas “DEAŞ” terror oyışmasınıñ Törkiyä çige belän turıdan êlemtäne betergän.

İrekle Süriyä Armiyase ğaskäriläre ciñülären feyerverk ırğıtıp, qotlağan.

Törek qorallı köçläre Färat qalqanı xäräkäte başlağan könnän birle tınıç xalıqnıñ zıyan kürmäwe öçen härtörle çaranı kürä.

Däwam itüçe bäreleşlärdä yaralanğan İrekle Süriyä Armiyase ğaskäriläre Öncüpınar çik buyı qapqasına kiterelä.

Bäreleşlärdä yaralanğan İrekle Süriyä Armiyase 19 ğaskäriye Törkiyäneñ Kilis şähärendäge xastaxanälärgä salındı.

Yaralanuçılardan berse yaqtı dönyadan kitkän.