Çavuşoğlu: “Törkiyä demokratiyasına yaqlaw öçen Greśiyağa räxmät”

Çavuşoğlu tüntäreleş kereşüennän soñ berençe Awrupa säfären Greśiyağa yasadı.

561136
Çavuşoğlu: “Törkiyä demokratiyasına yaqlaw öçen Greśiyağa räxmät”

Greśiya Tışqı êşlär ministrı Nikos Kodziasnıñ çaqıruı belän Girit utrawına kitkän Çavuşoğlu xezmättäşe belän biredäge räsmi bulmağan oçraşuda töbäktäge täräqqiyätlär belän ike yaqlı mönäsäbätlärne söyläşte.

Törkiyä Tışqı êşlär ministrı Mäwlüt Çavuşoğlu “Fätullahçı” (FETÖ/PDY) terror oyışması/parallel däwlät qorılışınıñ 15nçe iyül’däge tüntäreleş kereşüe waqıtında Törkiyädä demokratiyağa kürsätkän yaqlaw öçen Greśiyağa räxmätlären belderde.

 “Fätullahçı” (FETÖ/PDY) terror oyışması/parallel däwlät qorılışınıñ tüntäreleş kereşüe aldında Greśiya kürsätkän totışınıñ törek xalqın bik qanäğät itüenä basım yasawçı Çavuşoğlu Törkiyäneñ 15nçe iyül’ tönendä yäşägän qurqınıçnı Awrupa illäre arasında Greśiya häm grek xalqınnan tağın da yaxşıraq berkemneñ dä añlıy almayaçağın äytte.

Kiprda alıp barıluçı söyläşülär barışına da tuqtalıp uzuçı Mäwlüt Çavuşoğlu: "Çişeleş öçen kürsätelgän tırışularnı yaqlıybız”, - dip äytte.

Greśiya ministrı Kodzias ta Çavuşoğlu belän küreşep söyläşüeneñ ike il belän ber rättän töbäk öçen dä ähämiyätle buluın assızıqlap äytep uzdı.

15nçe tüntäreleş kereşüenä dä tuqtalıp uzuçı Kodzias: "Grek xalqınıñ bu mäs’älädä Törkiyägä yaqlawın üzenä belderdem”, - dip äytte.

Greśiyağa sıyınğan tüntäreleşçe xärbilär mäs’äläsen dä telgä alğan Kodzias bu qaçıp kitkän xärbilärneñ tüntäreleş kereşüendäge öleşe bilgelängännän soñ Greśiya mäxkämäseneñ Greśiya häm Awrupa xoquqına qarap qarar qabul itäçägen belderde.

Greśiyağa qaçqan 8 tüntäreleşçeneñ soraw alınuınıñ 2 köndä tämamlanuı kötelä.



Bäyläneşle xäbärlär