Yıldırım: “Gülän Törkiyägä kilep xisap biräçäk”

Premyer-ministr Yıldırım İlbaşı qolliyäse aldında oyıştırılğan demokratiya mitingında yasağan çığışında, Törkiyäneñ “Fätullahçı” (FETÖ/PDY) terror oyışması/parallel däwlät qorılışınıñ / 15nçe iyül’ tüntäreleş kereşüe belän upqın çitennän borıluın belderep, “FETÖ” atamanı Fätullah Gülän belän bergä cawaplılarnıñ iñ awır şäkeldä xökemgä tartılaçağı süzen birde.

Tüntäreleş kereşüennän soñ xasil bulğan ictimaği häm säyäsi kileşüneñ däwamı öçen härtörle gayrätneñ, köçle ixtıyarnıñ kürsäteläçägenä dä iğtibarnı yünältüçe Premyer-ministr Yıldırım: "15nçe iyül’dä bez birgän şähitlär näticäsendä bu cirlär yañadan watan buldı. Bez böyek ber millät buluıbıznı tağın ber qat kürsättek”, - dip äytte.

İlbaşı qolliyäsendä İlbaşı Räcäp Tayyip Ärdoğan qatnaşuında soñğı demokratiya näwbäteneñ uzdırıluın assızıqlawçı Yıldırım ğaziz millätkä 15nçe iyül’ tönendä liderlıq başqarğanı häm tüntäreleşkä qarşı “mäydannarğa çığu” çaqıruın yasağanı öçen İlbaşı Ärdoğanğa räxmätlären citkerde.

Yıldırım ğaziz millätneñ Törkiyäneñ kiläçägen, ay yoldızlı bayraqnı keşeleksez qurqaqlarğa taptatmawın, azatlıq köräşen alıp barğan Ğazıy Mäcleskä (parlamentqa) xainnarnıñ kerüenä röxsät birmäwen, İlbaşın häm xökümäten hiç yalğız qaldırmawın, İlbaşı qolliyäseneñ basıp alınuına mömkinlek birmäwen belderde.