Rusiyä belän vizasız rejimğa qaytu

Rusiyä belän vizasız rejimğa qaytu êşçänlege başlatıla

549138
Rusiyä belän vizasız rejimğa qaytu

İlbaşı Ärdoğan häm Däwlät başlığı Putin Törkiyä-Rusiyä êş dönyası cıyılışında qatnaştı.

Rusiyä Federaśiyäsenä säfäre qısalarında êş dönyası cıyılışında açıqlawlar yasawçı İlbaşı Ärdoğan ike il arasındağı potenśialnı töbäk öçen tağın da faydalı räweştä qullanuda täwäkkäl bulularına basım yasadı.

Säwdä külämen 100 milliard dollarğa citkerüne maqsat itülären äytüçe Ärdoğan, “Törek ağımı” häm “Akkuyu” atom-töş stanśiyası kebek xäzerge proyektlarnıñ iñ qısqa waqıtta tormışqa aşırılaçağın belderep, Rusiyä êşmäkärlären Törkiyädä yaña investiśiyälär salırğa çaqırdı.

Urtaq kapital salu fondınıñ tözeläçägen dä açıqlawçı Ärdoğan xezmättäşlekneñ saqlanu sänäğäten dä üz êçenä alaçaq räweştä kiñäyteläçägen assızıqladı.

Öy xucası Vladimir Putin isä Törkiyä belän iqtisad häm säwdä mönäsäbätlärendä oçqıç krizisınnan äwwälge torışqa barıp citep, tağın da yuğarı däräcägä ireşergä teläwlären belderde.

Tabiği gaz qudırıluı mäs’äläsendä Rusiyäneñ iñ ışanıçlı il buluın assızıqlawçı Putin tözeleş tarmağında da xezmättäşlekne arttırırğa teläwlären äytte.

Rusiyä liderı vizasız rejimğa qaytu öçen êşçänlekkä başlayaçaqlarına da basım yasadı.



Bäyläneşle xäbärlär