Yänikapıda metro stanśiyäseneñ diwarlarına tüntäreleş şähitlärneñ fotoräsemnäre asıldı

Fätullahçı terror oyışması/parallel’ däwlät qorılışınıñ 15nçe iyul’ könge tüntäreleş kereşüennäñ soñ däwam itkän demokratiya näwbäteneñ finalı Yänikapı mäydanında oyıştırılaçaq.

546728
Yänikapıda metro stanśiyäseneñ diwarlarına tüntäreleş şähitlärneñ fotoräsemnäre asıldı

 

Fätullahçı terror oyışması/parallel’ däwlät qorılışınıñ 15nçe iyul’ könge tüntäreleş kereşüennäñ soñ däwam itkän demokratiya näwbäteneñ finalı Yänikapı mäydanında oyıştırılaçaq.

Yänikapıda ütkäreläçäk häm 3 millionnan artıq keşeneñ qatnaşuı kötelgän mitingta tüntäreleşkä qarşı berlek häm berdämlek yullaması yasalaçaq.

 “Demokratiya häm Şähitlär mitingı” miting alanına üz waqıtınnan êlek kilgän yözmeñnärçä watandaş  alannı tutıra başladı.

Yänikapıda metro stanśiyäseneñ diwarlarına tüntäreleş şähitlärneñ fotoräsemnäre asıldı.

 

İlbaşı idaräse ximayasında uzaçaq tarixi mitingta premyer-ministr Binali Yıldırım belän Cömhüriyät xalıq partiyase ğomüm başlığı Kämal Kılıçdaroğlu häm Millätçe xäräkät partiyase ğomüm başlığı Däwlät Bahçäli dä qatnaşaçaq.

Ğomüm ştab başlığı, Armiya generalı Hulusi Akar ta mäydanğa kiläçäk.

Ayıruça sänğat häm sport dönyasınnan da zur külämle qatnaşu kötelä.

Tarixi oçraşu öçen yuğarı däräcäle iminlek çaraları kürelde.

15 meñ poliśiya beläñ 15 meñ iminlek xezmätkäre mäydanda bulaçaq.

Mitingka kilüçelär 3 töp qapqadan tikşerelep, kerteläçäk.

Ğariplär öçen ayırım kerü urınnarı bilgelände.

Transport öçen 7 meñ avtobus birelde.

Diñgez aşa da 12 urınnan alanğa barıp bulaçaq.

50 teploxod kön buyı säfär başqaraçaq.

Miting alanında 728 sälamätlek saqlaw personalı wazifa başqaraçaq.

Mitingta 239 şähit istälegenä 239 keşelek törkem kontsert quyaçaq.

Bu arada “Demokratiya häm şähitlär mitingı” öçen Törkiyä däwlät başlığı  räcäp Tayyip Ärdoğan  häm premyer-ministrlıqnıñ  twitter xisaplarınnan  çaqıru yasaldı.

# BerMillätBer Yöräk hashtağı belän yasalğan çaqırularda keşelär Yänikapığa çaqırıldı.

 



Bäyläneşle xäbärlär