"Alman mediası üz-üzen küzdän kiçersen"

Mostafa Yänäroğlu alman mediasın tänqitläde

536484
"Alman mediası üz-üzen küzdän kiçersen"

Törkiyä Böyek Millät Mäcleseneñ Keşe xoquqların tikşerü komissiyase başlığı häm Ak partiyaneñ İstanbuldağı xalıq ışanıçlısı Mostafa Yänäroğlu 15nçe iyul könne Fätullahçı terror oyışması yasağan tüntäreleş kereşüe belän bäyle bularaq alman mediasına reakśiya belderep: “Alman mediasınıñ üzen küzdän kiçerün, Törkiyädän millätneñ iradäsenä xörmät kürsätüen kötäbez,” – dide.

Germaniyaneñ Köln şähärendä açıqlaw yasağan Yänäroğlu FETÖ terror oyışması başqarırğa cıyınğan tüntäreleş kereşüendä alman matbuğatınıñ waqiğalarnı döres itep citkermäwen tänqitläde.

Yänäroğlu tüntäreleşneñ berençe säğatlärennän başlap alman mediasınıñ Törkiyädä bulğan qayber xäbärçeläreneñ ädäp çiklären uzıp, jurnalistika äxlaqına sıymayaçaq räweştä tüntäreleşne stsenariy bularaq bäyäliyäçäk qadär tübän töşüen açıqladı.

Könbatış mediası belän ber rättän qayber könbatış säyäsätçelärneñ waqiğalarğa qaraşın da tänqitlägän Yänäroğlu tübändägeçä däwam itterde: “Törkiyädäge keşelärneñ zur yuğaltular kiçerep, üz iradäläre häm demokratiyane saqlap qaluların könbatış illäre qotlarğa tiyeş bulğanda kiresençä saylanğan däwlät başlığı häm xökümätne bärep töşerä almadılar dip borçıluçılar sanı bik küp. Bu bezne, hiçşiksez, borçuğa sala, läkin bu bezneñ täwäkkällelegebezne, üz demokratiyabezne saqlap qaluıbıznı, üz bäysezlek häm kiläçägebezne yaqlawıbızdağı täwäkkällelegebezne tağın da arttıra”.



Bäyläneşle xäbärlär