Törkiyä Parlamentı kürsätmäne rasladı

Kürsätnamä 461 xalıq ışanıçlısınıñ qatnaşuı belän ütkärelgän tawış birüdä 346 tawış belän qabul itelde.

Törkiyä Premyer-ministrı Binali Yıldırım kürsätnamäneñ raslawınnan soñ yasağan çığışında demokratik tärtip häm milli ixtiyar köçenä qarşı 15nçe iyul kiçen başlatılğan tüntäreleş kereşüe arqasında qabul itelgän ğädättän tış xäl qararınıñ tüntäreleşçelärneñ  tabıluı häm barlıqqa kitergän zıyannıñ beterelüe öçen, qorılış-struktura belän bäyle mäs'älälärne buldırmıy qalu çaraların kürüne bilgeläwne maqsat itüen belderde.

Törkiyä premyer-ministrı däwlät eçenä yıllardan birle urnaşqan FETÖ bandalarınıñ şuşı räweştä çistartılaçağın, möstäqıllek häm demokratiyağa zıyan birergä tırışqan bu üzäklärneñ tağın ber tapqır  baş kütärüdän saqlap qalıp yuqqa çığarılaçağın belderde.

Ministrlar kabinetı 20nçe iyul könne  yasağan ciyılışında Milli İminlek Oyışmasınıñ kinäşe buyınça  öç ay waqıtı belän ğädättän tış xäl iğlan itelüe  qararın birgän ide.

Törkiyä Premyer-ministrı urınbasarı Numan Kurtulmuş şartlarnıñ cayğa salınu bulu wazğiyätendä ğädättän tış xälneñ 1-1,5 ay däwam itäçägen citkerde.

Törkiyä däwlät başlığı idaräseneñ süzçese İbrahim Kalın ğädättän tış xälneñ köndälek tormışnı tiskäre yaqtan täêsirlämiyäçägen söyläde.

Törkiyä däwlät başlığı idaräseneñ süzçese İbrahim Kalın şäxsi ber televideniye kanalınıñ maxsus intervyu birgän.

Kalın tağın da täêsirle ber xökem itelü barışın täêmin itü öçen däwlätkä yaña mömkinleklär täqdim itäçägen belderde.

Ülem cäzası taläplärne dä bäylägän Kalın “Ğadel ber cäza bulır” şäklendä söyläşte.