Tüntäreleş kereşüenä reakśiyalär

Fätullahçı terror oyışmasınıñ tüntäreleş kereşüenä dönyadan reakśiyalär kilergä däwam itä

532385
Tüntäreleş kereşüenä reakśiyalär

Fätullahçı terror oyışmasınıñ tüntäreleş kereşüenä dönyadan reakśiyalär kilergä däwam itä.

Berläşkän Millätlär Oyışması yasağan açıqlawda awır waqıtta Törkiyägä xuplawnıñ däwam itäçägen beldergän.

BMO ğomüm särqätibe süzçese Farhan Haq ayıruça uñışsız tüntäreleş kereşüendä Törkiyädäge wazğiyätneñ küzätelüen äytkän.

Törkiyä premyer-ministrı Binali Yıldırımnıñ “xoquqnın östenlege” belän bäyle açıqlawınnan xäbärdar buluların beldergän süzçe Haq Berläşkän Millätlär Oyışmasınıñ ğamällär belän süzlärneñ ahäñle buluın ömet itülären açıqlağan.

Haq açıqlawında ayıruça Törkiyädä demokratiya häm konstituśion printsiplarnıñ saqlanuınıñ ägämiyätenä qağılğan.

Awrupa Berlege Şurası da Törkiyädäge tüntäreleş kereşüen ğayeplägän.

Tışqı mönäsäbätlär şurası Belgiya başqalası Brüsseldağı cıyılıştan soñ açıqlağan urtaq beldergedä: “Awrupa Berlege Törkiyädäge tüntäreleş kereşüen qırıs räweştä ğayepli häm ilneñ legal’ oyışmaların xuplawın qabatlıy,” – digän.

Awrupa Berlegeneñ törek xalqı belän yärdämläşü eçendä buluı urın alğan beldergedä tüntäreleş kereşüe waqıtında yaqtı dönyadan kitüçelär öçen toyılğan borçu da citkerelgän.

Beldergene imzalağan Awrupa illäre Törkiyädäge säyäsi partiyalärneñ törek demokratiyasen xuplaw mäs’äläsendäge urtaq totıştan toyğan qanäğatlelekne beldergän.



Bäyläneşle xäbärlär