"Terror Törkiyäne bülä almas"

Törkiyä ilbaşı Räcäp Tayyip Ärdoğan bernindi köçneñ Törkiyäneñ bülä almayacağın assızıqlap, terrorçılıq belän köräş mäs’äläsendä täwäkkällek yullamaların yasadı.

İlbaşı kölliyätendä personal belän iftar tabınına bergä utırğan Ärdoğan Törkiyäneñ terror oyışmalarınıñ maqsatında ber il bularaq awır imtixannan uzuın belderep: “Terror, terror oyışmaları, terror höcümnären beteräçägebezdän şigem yuq. İrtä yäisä soñ Allahı Täğaläneñ röxsäte belän bu eşne başqarıp çığaçaqbız,” – dide.

Törkiyäneñ bülenmäyäçägen açıqlağan Ärdoğan: “Bezneñ watanıbıznı da bülä almayaçaqlar. Üz-üzlärenä mondıy xıyalnı qoruçılar bar. Yuqqa xıyal qormasınnar. Barlıq bu operaśiyalär ni öçen alıp barıla? Bu watan cirlärendä bez sezgä ber öleş tä birmibez,” – dide.

Ärdoğan Atatörek hawa mäydanında oyıştırılğan terror höcüme belän bäyle bularaq ta: “Bu ğayepsez keşelärneñ ni gönahı bar? Bu keşelekleme? İslami yağı barmı? Yuq. “Ber keşene üterü bar keşelekne üterügä tiñ” dip äytä dinebez. Mondıy närsäne niçek başqara alasız?” – dide.

Törkiyä ilbaşı tübändägeçä däwam itte: “Törkiyäneñ asıl fäläkäte – bu terror waqiğaları tügel, ä maqsatlarınnan häm ideallarınnan waz kiçüe bulır. Bez monnan waz kiçmäyäçäkbez. Millätebezne mondıy fäläkät belän oçraştırmabız”.

Ärdoğan İzrail belän Mavi Marmara köymäsenä höcümnän soñ problemalı bulğan mönäsäbätlärne tözätü yulında möhim adımnarnıñ yasaluın belderde.

Yasalğan adımnarnıñ törek milläte häm Fälästinlelär öçen xäyerle buluın telägän Ärdoğan comğa könne Mersinnän İzrailğa 14 meñ tonna humanitar yärdäm materialı töyälgän köymäneñ quzğalaçağına işarät itep, köymädä azıq-tölektän alıp kiyem-salımğa häm balalarğa bireläçäk büläklärgä qadär şaqtıy materialnıñ buluın citkerde.

Ğazzädä 200 urınlı däwlät xastaxanäseneñ tözelep betüen assızıqlağan Ärdoğan xastaxanäneñ xäzerge waqıtta meditsina cihazları belän tä’min itelüen, soñınnan da açılacağın belderde.

Törkiyä ilbaşı Ärdoğan İzrailneñ mäktäplär mäs’äläsendä birgän süzenä iğtibarnı cälep itep, İzrailneñ Törkiyä aşa mondıy yärdämnärneñ kerüenä röxsät biräçägenä basım yasadı.

Däwlät başlığı Rusiyä ilbaşı Vladimir Putin belän telefonda söyläşüenä dä tuqtaldı häm monıñ yaña çor buluın assızıqlap, ike il arasındağı mönäsäbätlärneñ tizlek belän elekke däräcägä ireşüe mäs’äläsendä kileşüneñ tä’min itelüen äytte.