“Törkiyä humanitar yärdäm mäs’äläsendä bik yaxşı ürnäk”

 İtaliya tışqı eşlär ministrı urınbasarı Mario Giro Törkiyäneñ humanitar yärdäm mäs’äläsendä härkemgä yaxşı ürnäk buluın belderde.

İstanbulda uzuçı Bötendönya humanitar sammitında qatnaşuçı Giro berençe tapqır oyıştırılğan älege yuğarı däräcäle oçraşunıñ ähämiyäte,ilneñ humanitar yärdäm yünäleşendä başqarğan eşläre ,küçenü häm qaçaq problemalarında Törkiyä belän xezmättäşlek mäs’älälärenä bäyä birde.

Giro Bötendönya humanitar sammitın Törkiyädä uzdırunıñ köçle simvolik mäğnäse buluına basım yasap”İstanbul barı tik tarixi şähär genä tügel, törle mädäniyatlar bergä yäşäwçe qala. Bu berençe tapqır oyıştırıluçı humanitar sammit öçen bik möhim. Şulay uq Törkiyäneñ Süriyä krizisı belän qaçaq ağımına duçar buluı ,humanitar yärdäm, qalqınu belän bäyle böten başqarğan eşläre zur ähämiyätkä iyä.”

İtaliya tışqı eşlär ministrı urınbasarı Mario Giro Törkiyäneñ qaçaq krizisı belän bäyle eşçänleklären yuğarı bäyäläwen belderde.