"Törkiyädä terrorçılar kürmädem"

Yamaykalı şağir Mutabaruka Törkiyädä bik küñelle waqıt uzdıruın ,yaxşı keşelär belän tanışuın häm Amerika matbuğatında bik yış telgä alınğan terrorçılarnı kürmäwen belderde.

İstanbulda uzuçı Xalıqara Üsküdar şiğır festivalendä qatnaşuçı yamaykalı şağir Mutabaruka Törkiyägä berence tapqır kileüen belderep, il xaqındağı fikerläre belän urtaqlaştı.

Könbatışlı köçlärneñ keşelärne kontrol astında totu öçen qurqu uyatuçı fikerlär barlıqqa kiterüen äytüçe Mutabaruka süzen bolay dip däwam itterde:” Mäsälän İslam turındağı tiskäre fikerlärne gel Amerika belderä. Qızğanıç, Yamayka xalqı İslamofobiya mäs'äläse xaqında küp närsäne belmi. Möselmannarğa qarata ğamällärne añlamıy. Amerikalılar xäbärlären “CNN”,”FOX” kebek kanallardan böten dönyağa işettergängä kürä İslam turındağı qurqulı fikerlärne kiñ massağa citkerä alalar”.

Mutabaruka Törkiyägä kilgänçe “Bu ilgä barmağız. Terror höcümnärendä ülersez” räweşendä xäbärlär uquın da citkerde.

Amerika mediasın bik yaxşı tanuın belderüçe şağir “Alarnıñ xäbärlären uqıp, bu xäbärlärgä ışansañ bernärsä aşap-eçmäskä häm qurqudan öydän çıqmasqa kiräk”,-dide.