"Tarixıbızda oyat xatirӓ yuq"

Awrupa Berlege ministrı hӓm başsöylӓşüçe Volkan Bozkır Awrupa Parlamentınıň Törkiyӓ alğarış xisabın qabul itmӓwlӓren ӓytte.

Xisapnıň Awrupa Parlamentına kire tapşırılaçağın beldergӓn Bozkır: “Törkiyӓ bularaq tarixıbızda bernindi oyat xatirӓ yuq. Barlıq arxivlarıbız açıq. Bu mӓs'ӓlӓdӓ tarixçılarnıň qarar birüe zarur mӓs'ӓlӓ buluın uylıybız. Sӓyӓsӓtçelӓr tarix yazarğa tiyeş tügel. Tarixi waqiğalar belӓn bӓyle sӓyӓsi qararlar belӓn nӓticӓlӓr çığarılırğa tiyeş tügel,” – dide.

1915nçe yıl waqiğaları belӓn bӓyle süzlӓr urın alğan hӓm Awrupa Parlamentında küpçelek tawış belӓn qabul itelgӓn xisapta terror oyışması bularaq qabul itelgӓn PKKğa qoral taşlaw çaqıruı yasalğan.

Ӓnkara xökümӓte belӓn Awrupa Berlege arasında tӓ'min itelgӓn sıyınuçı kileşüe dӓ urın alğan xisapta Törkiyӓ qaçaqlar belӓn bӓyle eşçӓnleklӓre öçen maqtalğan.

Xisapta Törkiyӓneň dönyada iň küp qaçaqnı qabul itkӓn il buluı, zur humanitar yӓrdӓmnӓr kürsӓtüe assızıqlanıp, Süriyӓle qaçaqlarğa eş röxsӓteneň birelüe qararınnan toyılğan qanӓğatlelek citkerelgӓn.

Törkiyӓ watandaşlarına vizasız sӓyӓxӓt mӓs'ӓlӓsendӓ isӓ yul kartasında belderelgӓn kriteriylarnıň ğamӓlgӓ kertelüe belӓn töreklӓr öçen vizanıň beterelӓ alınacağı citkerelgӓn.