Rusiyä oçuçısın üterüen raslawçı qulğa alındı

Törkiyä hawa kiñlegen bozğan Rusiyä xärbi oçqıçı bärep töşerelgännän soñ oçuçını üterüe turındağı açıqlawları matbuğatta çağılğan Çälik Törkiyäneñ İzmir qalasında “atu qoralları qanunı"n bozudan qulğa alındı.

Alınğan mäğlümatkä kürä, Karabağlar ilçäseneñ Hatay bistäsendäge ber aşxanädä qorallı keşelärneñ buluı xäbäre uñayınnan waqiğa urınına cibärelgän tärtip saqlaw törkemnäre 14 keşeneñ tanıqlığın häm öslären tikşerde. Şöbxälelärdä 2 pistolet tabılğannan soñ maşinalarında ütkärelgän tentü näticäsendä dä kalaşnikov avtomatı qulğa töşerelde.

"Atu qoralları qanunı"n bozuda gäyeplänep qulğa alınğan 14 şöbxäle arasındağı Alpaslan Çälikneñ Törkiyä hawa kiñlegen bozğan Rusiyä oçqıçı bärep töşerelgännän soñ paraşyut belän sikergän urıs oçuçısın atıp üterüe turındağı süzläre matbuğatta çıqqan keşe buluı bilgelände.

Şöbxälelärneñ politsiyadağı êşläre däwam itä.