Kurtulmuş: “Urıslarnıñ salqın suğışqa qaytırlıq adımnarı”

Törkiyä Premyer-ministr urınbasarı Numan Kurtulmuş: “Urıslar salqın suğış çorına qayta alaçaq adımnar yasıy”.

427690
Kurtulmuş: “Urıslarnıñ salqın suğışqa qaytırlıq adımnarı”
Törkiyä Premyer-ministr urınbasarı Numan Kurtulmuş Rusiyä xärbi oçqıçlarınıñ Süriyäneñ Haläp qalasın bombalawı belän bäyle bularaq: “Urıslar salqın suğış çorına qayta alaçaq adımnar yasıy”, - dip äytte.

“TRT xäbär” kanalınıñ qunağı bulğan Kurtulmuş könüzäk mäs'älälärgä qağılışlı açıqlawlar yasadı.

Rusiyä ğäskärenä bäyle xärbi oçqıçlarnıñ Haläpne bombalawına qağılışlı bularaq böten dönyağa möräcäğät itüçe Kurtulmuş: "Bar närsädän elek böten dönyanıñ Rusiyäneñ bu hawa höcümnärenä qarşı tuqta dip äytüe kiräk. 1990nçı yıldan birle dönya global' sistema bularaq ber närsägä dä, bäreleşlärgä, qarşılıqlarğa çişeleş taba almaslıq xälgä äylände. Urıslar da monnan bik yaxşı faydalana. Urıslar üzenä kürä qabat elekke däwergä, 90nçı yıllardan äwwälge salqın suğış çorına qayta alaçaq adımnar yasıy”, - dip äytte.

Numan Kurtulmuş "Terrorçılıq belän köräş häm reabilitatsiya ğämäl planı” belän bäyle bularaq ta plannıñ iminlek belän bäyle östämä çara paketı tügel, reabilitatsiya barışı buluın assızıqladı.

Numan Kurtulmuş yaña töp qanun belän bäyle bularaq ta: “Törkiyäneñ iñ möhim säyäsi çınbarlığı – monnan arı bu konstitutsiyanıñ Törkiyäne taşıy almawı. Törkiyädä sistemalı räweştä millät belän däwlätneñ bötenläşüen tä'min itäçäk irek şartların kiteräçäk sivil töp qanunnı äzerläw iradäsen bu parlament bilgele itärgä tiyeş”, - dip äytte.



Bäyläneşle xäbärlär