Törki däwlätlär oyışmasınıñ istälek täñkäse çığarıldı

Törki däwlätlär oyışması öçen maxsus çığarılğan istälek täñkäse äğ’za illär arasında tirän bäyläneşlär häm xezmättäşlekne simvollaştıru maqsatı belän äzerlände. Anı 6nçı noyabr’dä Qırğızstan başqalası Bişkäktä uzğan sammit waqıtında Törkiyä ilbaşı Räcäp Tayyip Ärdoğan däwlät başlıqlarına büläk itte.

Täñkäneñ öslegendä Törki däwlätlär oyışması logotibı häm äylänäsendä sigez poçmaqlı Sälcükle yoldızı bar. Artqı yağında oyışma äğ’zalarınıñ bayraqları häm “Teldä, fikerdä, êştä berlek” süzläre urın ala.

Täñkä metall östendä basılğan. Ul 5 meñ danä çığarıldı häm satuğa 900 lira bäyä belän quyıldı.

İstälekle täñkälärneñ äyläneştäge waqıtı 7nçe noyabr’dän başlap 2 yıl bularaq bilgelände.