Caparov:"Törkiyä Qırğızstan öçen strategik xezmättäş"

Qırğızstan ilbaşı Sadir Caparov Törkiyäneñ ile öçen qardäş häm strategik xezmättäş buluın belderde. Ul başqala Bişkäktä räsmi säfär belän bulğan ilbaşı Räcäp Tayyip Ärdoğan citäkçelegendäge Yuğarı däräcäle strategik xezmättäşlek cıyılışında çığış yasadı.

“Min ike ilneñ häm ike xalıqnıñ berdäy yazmışına ışanam”,-dide Caparov. Ul ike aradağı xezmättäşlekneñ däräcäsennän qanäğat’ buluın assızıqladı häm törek şirkätlären ildäge gidroêlektr stanśiyälärneñ tözeleşendä qatnaşırğa çaqırdı.

Caparov dön’yadağı täräqqıyät’lär belän bäyle räweştä transport häm logistikanıñ ähämiyäte artuın belderep, Törkiyägä qadär suzılaçaq Qıtay-Qırğızstan-Üzbäkstan timer yulı proyektın tormışqa aşıruların söyläde. Şulay uq, ul Törkiyäneñ mediśina cihazları häm yuğarı sıyfatlı daru citeşterüdä dön’yada lider buluın xäterlätep, Qırğızstanda medikament êşxanäse qorıluın teläwen citkerde.  Törkiyä Qırğızstan öçen