Törki däwlätlär oyışması liderları Bişkäktä cıyıla

Törki däwlätlär oyışmasındağı illärneñ başlıqları 6nçı noyabr’dä Qırğızstan başqalası Bişkäktä cıyıla. İlbaşı Sadir Caparov citäkçelegendä uzuçı sammitta Törkiyä, Azärrbaycan, Qazaqstan häm Üzdäkstan liderları qatnaşa. Monnan tış, utırışqa oyışmada küzätüçe äğ’za illärneñ citäkçeläre dä çaqırulı.

“Törki dön’yanıñ köçäytelüe: iq’tisadi integraśiya, totrıqlı üseş, sanlı kiläçäk häm härkem öçen iminlek” şiğare belän cıyılaçaq sammitta Törki däwlätlär oyışmasınıñ küp’yaqlı kön tärtibe belän bäyle bäxäslär öçen ähämiyätle platforma buldırılaçaq.

Liderlar töp mäs’älälärdä qararlar çığaraçaq, kileşülär imzalayaçaq häm iq’tisad, säwdä, transport häm iminlek taqrmaqlarındağı proyektlar belän bäyle räsmi dokumentlarnı raslayaçaq. Monnan tış, alar törki dön’yanıñ berdämlegen häm alğarışların nığıtu öçen awırlıqlarğa qarşı köräşü häm forsatlarnı bäyäläw turında fiker alışaçaq.  

Sammittan alda, Bişkäktä Törki däwlätlär oyışmasınıñ tışqı êşlär ministrları şurası cıyılaçaq. Alar kön tärtibe maddäläre häm däwlät başlıqları imzalayaçaq dokumentlarnı tağın ber qat küzdän kiçeräçäk.