Törki dönyanıñ urtaq älifbası qabul itelde

Törki däwlätlär oyışması tözegän Törki dönyanıñ urtaq älifbası komissiyäse 34 xäreftän torğan alfavit täq’dimen qabul itte. Bu xaqta Törek akademiyäse citkerä. Belderüdä äytelgänçä, 9-11nçe sentyabr’ könnärendä komissiyä Azärbaycannıñ başqalası Baqıda cıyılış uzdırdı. Akademiyä çaranıñ uñışlı uzuın citkerä.

“Cıyılışnıñ töp maqsatı bu mäydanda cıyılğan mäğ’lümatlar häm komissiyäneñ 2 yıllıq êşçänlegennän faydalanıp Törki tellär öçen urtaq älifba proyektına näticä çığaru”, - diyelä belderüdä.

Cıyılışta başta 1991nçe yılda ğalimnär täq’dim itkän latin nigezle Urtaq törki älifba proyektı här yaqlap küzdän kiçerelä. Komissiyä äğ’zaları anda êşlänep betärgä tiyeşle noqtalarnı açıqlıy.

“Bu fidaqar’ êşçänlek näticäsendä 34 xäreftän toruçı Urtaq törki älifba täq’dime nisbätennän kileşende. Andağı här xäref törki tellärdäge törle awazlarnı bilgeli”, - diyelä belderüdä.