Ärdoğan belän Äliyev söyläşte

Törkiyä ilbaşı Räcäp Tayyip Ärdoğan Azärbaycan däwlät başlığı İlham Äliyev belän telefonnan söyläşte. Törek lider wazıyfadaşın parlament saylawlarında “Yaña Azärbaycan” partiyäseneñ ciñüe uñayınnan täbrik itte. Ul saylaw näticäläreneñ qardäş Azärbaycan xalqınıñ Äliyev häm firqaseneñ êşçänlegenä ışanıçın kürsätüen assızıqladı. Ärdoğan saylawlarnıñ demokratik moxittä, tınıçlıq êçendä uzuınıñ qanäğat’lek tudıruın äytte.

Törkiyä ilbaşı saylawlarnıñ 30 yıldan soñ täwge tapqır basıp aludan qotqarılğan töbäklärdä dä uzuınıñ ähämiyäten söyläde.