Qazaqstan atom êlektrostanśiyäse temasın bäxäsläşä

Ênergetika ministrlığı oxşaş çaralarnıñ başqa töbäklärdä dä oyıştırılaçağın belderde.

Ministrlıqnıñ atom ênergetikası häm sänäğäte departamentı başlığı urınbasarı Gölmira Mursalova Qazaqstanda qullanılğan êlektrnıñ 70%nıñ kümer êşxanälärendä êşläp çığarıluın häm bu qorılmalarnıñ zur küpçelegeneñ iskerüen äytte.

İldä ber yıllıq ênergiyä qullanuınıñ artuı 3% külämendä häm iñ tığız säğätlärdä Qazaqstan êlektrnı kürşe illärdän ala. Şuña kürä Mursalova problemanıñ barı tik atom êlektrostanśiyäseneñ tözelüe belän genä xäl itelä alınaçağın uylıy.

 “Qazaqstan atom êlektrostanśiyäläre” şirkäte ğomum mödire Timur Jantikin täq’dim itelgän 13 atom êlektrostanśiyäse proyektınnan dürteseneñ saylanuın iskärtep uzdı. Jantikin atom êlektrostanśiyäseneñ tözelüeneñ il iq’tisadınıñ üseşenä häm yaña êş belän täêmin itügä öleş kertäçägenä basım yasadı.

2022nçe yılnıñ fevral’ ayında Toqayev ta atom êlektrostanśiyäseneñ Qazaqstan öçen zaruri buluın äytkän, 2023nçe yılnıñ sentyabr ayında bu mäs’älädä referendum ütkärergä täq’dim itkän ide. Referendum cämäğätçelekkä açıq bäxäslär tögällängännän soñ közen oyıştırılaçaq.