Mirziyayev Urta Aziyädä tanıqlıq belän säyäxät itärgä täq’dim itte

Astanada oyıştırılğan Urta Aziyä Däwlät başlıqlarınıñ 6nçı kiñäşmä cıyılışında çığış yasawçı Mirziyayev turizmnıñ regional’ urtaqlıqta yaña êtärgeç buluın iskärtep uzdı. İlbaşı: “Ber tur – böten töbäk” nigeze belän yaña massaküläm turizm êşlänmälären üsterergä dä täq’dim itte.

Üzbäkstan liderı soñğı altı yılda Urta Aziyä däwlätläreneñ urtaq problemalarnı xäl itü mäs’äläsendä yärdämläşüne möhim däräcädä arttıruların, säwdä, kapital salu, transport, säyäxät kebek ölkälärdä başqarılğan proyektlar näticäsendä urtaq töbäk tanıqlığınıñ nığıy baruın äytte.

2023nçe yılnıñ 1nçe sentyabr’ könennän birle Qırğızstan häm Üzbäkstan arasında moña oxşaş sistema ğamäldä. İke il watandaşları çit ilgä çığu pasportı urınına tanıqlıq (êçke pasport) belän çik buyınnan uza ala.