Tön’yaq Kipr Baş ministrı: “Federaśiya (Федерация) östälenä utırmayaçaqbız”

Baş ministr Üstäl Tön’yaq Kipr Törek Cömhüriyäte başqalası Lefkoşada matbuğatqa belderü yasadı.

Awrupa Berlegeneñ Törkiyäneñ Tön’yaq Kipr Törek Cömhüriyätendäge xärbi barlığına qarata yalğış totışın kisken räweştä (рәвештә) kire qağuın belderüçe Üstäl xärbi barlıqnıñ barı tik Kipr töreklärenä genä tügel, ber ük waqıtta utrawda yäşäwçe Kipr greklarına da tınıçlıq alıp kilüen, dönyanıñ monnan arı bu mäs’älädäge çınbarlıqnı kürü waqıtınıñ citüen iskärtep uzdı.

Kipr grek liderı Nikos Hristodulidisnıñ Berläşkän Millätlär Oyışması parametrlarında östälgä utıru çaqıruın bäyäläwçe Üstäl êlek tä şulay östälgä utırıluın, kön tärtibenä kiterelgän Annan planınıñ Kipr grek tarafınıñ kire qağuın, fäqät moña qaramastan Kön’yaq Kiprnıñ büläkländerelüenä basım yasadı.

Üstäl yaqınça 50 yıl inde federaśiyägä (федерациягә) yünältelgän çişeleş täq’dimnäre öçen Tön’yaq Kipr Törek Cömhüriyäteneñ östäldä buluın bilgeläp: "Monnan arı şuşı säğättän soñ Kipr greklarınıñ uyınına birelmäyäçäkbez häm tağın ber tapqır federaśiya (федерация) östälenä utırmayaçaqbız didek. Bez inde xalqıbıznıñ xoquqların saqlaw öçen dönyağa tawışıbıznı (тавышыбызны) işetterä başlıybız”, - dip äytte.