Törkiyä Qarabaxtağı wäzğıyät'kä qağılışlı belderü yasadı

Törkiyä Qarabaxtağı terrorçılıqqa qarşı operaśiyäne “Azärbaycannıñ üz suveren territoriyäsendä kiräkle sanağan çaralarnı kürüe” bularaq bäyäläde.

Tışqı êşlär ministrlığınnan yasalğan yazmaça belderüdä Azärbaycannıñ Qarabax töbägendä qanunsız ärmän qorallı êlementlarınıñ Azärbaycan armiyäsenä häm iminlek köçlärenä qarata ozaq waqıttan birle höcüm häm provokaśiyälär yasawı äytelä. Moña qarşı Azärbaycan armiyäse anti-terror operaśiyäse başladı.  

Belderüdä yazılğança, 2020nçe yılda ikençe Qarabax suğışı betkännän birle Azärbaycan üz çik buylarındağı borçu tudıruçı wäzğıyät’ turında daimi räweştä citkerep kilde häm bu xälgä çişeleş tabılmadı. Şuña kürä Türkiyä yağı bu terrorçılıqqa qarşı operaśiyäneñ Azärbaycan öçen kiräkle adım buluın sanıy.

“Azärbaycan belän Ärmänstan arasında alıp barıluçı söyläşü prośessınıñ näticä çığaru öçen däwam itelüeneñ - totrıqlılıq tözü öçen berdänber yul buluına ışanabız” diyelä Türkiyä tışqı êşlär ministrlığınıñ belderüendä.