Qazaqstan Parlamentı Törki investiśiya (инвестиция) fondınıñ tözelüe turındağı qanun ölgesen rasladı

“Xäzerge global’ geopolitik totrıqsızlıq şartlarında Qazaqstannıñ tışqı mönäsäbätläreneñ törleländerelüe – töp maqsatlarıbıznıñ berse. Monıñ dälile bularaq iq’tisadnıñ däwam (дәвам) itelerlek üseşen buldıra alaçaq böten tarmaqlarında xezmättäşlekneñ arttırıluı östendä êşlibez. Bu cähättän ike yaqlı xezmättäşleklär belän ber rättän küp yaqlı platformalar qısalarında da urtaq êşçänleklärebezne aktiv bularaq alıp barırğa tiyışbez. Bu platformalardan berse dä Törki däwlätlär oyışması”, - dip äytte.

Törki däwlätlär oyışmasınıñ tarixi adım yasap tormışqa aşırğan Törki investiśiya (инвестиция) fondı may ayında İstanbulda tözelgän ide.

Törkiyä, Azärbaycan, Qazaqstan, Üzbäkstan häm Qırgızstan äğ’za bulğan kileşü moña qadär Azärbaycan parlamentında da raslanğan ide.

Törki investiśiya (инвестиция) fondı törki dönyanıñ Xalıqara valyuta fondı yäki Bötendönya bankı bularaq bilgelänä.

500 million dollar kapital belän êşçänlegenä başlağan Törki investiśiya (инвестиция) fondında här äğ’zaneñ 20% payı bar.

İnvestorlarğa häm êşmäkärlärgä bulışlıq itüne maqsat itüçe şuşı urtaqlıq ber ük waqıtta iq’tisadi bötenläşügä (интеграциягә) dä öleş kertäçäk.

Ozaq möddättä äğ’za illärneñ iq’tisad säyäsätläre ber-berse belän ahäñle itelgändä waqıt êçendä säwdä, saqlanu häm texnologiya kebek ölkälärdä möhim urtaq investiśiyälärne (инвестицияләрне) tormışqa aşıra alaçaq.