Qırğızstanda Törki däwlätçelek tarixı kongressı

Isık (êsse) kül töbägendäge Çolpon-Ata şähärendä Qırğızstan mäğarif häm belem ministrlığınıñ bulışlığı belän Törki däwlätlär oyışması qarşındağı Törki akademiya belän Atatörek isemendäge Mädäniyät, tel häm tarix yuğarı şurası qarşındağı Törek tarix cämğıyäte tarafınnan 14nçe-16nçı sentyabr könnärendä oyıştırılğan Kongress qabul itelgän “yomğaqlaw (йомгaклау) beldergese” belän üz êşen tögälläde.

Kongressnıñ här yıl ütkärelüenä häm monografik fänni êşçänlekne üsterügä, fänni katalog bastıruğa, maxsus kürgäzmälär oyıştıruğa häm interaktiv platformalar buldıruğa yünältelgän urtaq tırışlıq kürsätü qararına kilende.

Tarixi Yefäk (Ефәк) yulı marşrutında urnaşqan xalıqlar arasındağı tarixi, säwdä, iq’tisadi, mädäni häm ruxi bağlanışlarnı barlaw maqsatınnan çığıp matdi häm matdi bulmağan mädäniyät yadqarlekläreneñ kiñ qolaçlı tikşerenüeneñ ütkärelüeneñ zarurlığına basım yasaldı.

Törki däwlätlärneñ tarixına qağılışlı tikşerenülärne kübäytü häm bu ölkädä fänni xezmättäşlekne üsterü maqsatınnan çığıp maxsus fänni platformanıñ buldırıluı täq’dim itelde häm bäyläneşle oyışmalarğa xalıqara fänni tikşerenülärgä nigezlängän ênśikliopedik (энциклиoпeдик) "Törki däwlätçelek tarixı atlası”n äzerlärgä kiñäş itelde.

1nçe Törki däwlätçelek tarix kongressı törki cömhüriyätlärdän, Bolgariyadan häm Ukrainadan uqıtuçı-ğalimnärneñ qatnaşuında ütkärelde.

Kongressta qabul itelgän yomğaqlaw (йомгaклау) beldergeseneñ törki dönyanıñ kiläçägenä häm berdämlegenän öleş kertüe maqsat itelä.