Qazaqstan belän Soğud Ğaräbstanı arasında xezmättäşlek söyläşüe

Qazaqstan İlbaşı idaräsennän yasalğan belderügä kürä, Däwlät başlığı Qasıym Cumart Toqayıv başqala Astanağa kilgän Soğud Ğaräbstanı awıl xucalığı, moxitnı saqlaw häm su çığanaqları ministrı Abdulrahman äl-Fadline qabul itte.

Toqayıv oçraşuda şuşı säfärneñ ike il arasındağı küp yaqlı mönäsäbätlärgä praktik êtärgeç biräçägen belderde.

Ciddägä yasağan soñğı säfäre waqıtında Soğud Ğaräbstanı täxet varisı prinś (принц) Möxämmäd Bin Salman belän oçraşuın xäterlätüçe Toqayıv: “Yaqın xezmättäşlekneñ häm illärebez arasındağı mönäsäbätlärneñ tağın da nığıtıluı mäs’äläsendä kileştek”, - dip äytte.

Fadli dä Soğud Ğaräbstanı täxet varisı prinś (принц) Salmannıñ Qazaqstan belän ike yaqlı fayda täêmin itüçe xezmättäşlekne kiñäytügä qağılışlı yöklämälären citkerde.

Bigräk tä azıq-tölek qurqınıçsızlığı mäs’äläsenä tuqtalıp uzuçı Fadli: “Azıq-tölek qurqınıçsızlığı bügen böten dönya öçen zur problema. Qazaqstannıñ bu ölkädä möhim uyınçı buluı öçen härtörle forsatqa iyä buluına ışanabız”, - dip bilgeläp uzdı.

Söyläşü waqıtında taraflar säwdä häm iq’tisad xezmättäşlege mäs’äläläre belän ber rättän awıl xucalığı häm turizm tarmaqlarında xezmättäşlek mömkinleklären dä qarap çıqtı.