İq’tisadi xezmättäşlek oyışması sälamätlek saqlaw ministrları Jenevada cıyıldı

Türkiyä, İran, Paqıstan, Azärbaycan, Qırğızstan, Qazaqstan, Üzbäkstan Tacikstan, Törekmänstan häm Äfğanstan äğ’za bulğan İq’tisadi xezmättäşlek oyışmasınıñ 5nçe sälamätlek saqlaw ministrları cıyılışı Azärbaycannıñ qabul itüendä 76nçı Bötendönya sälamätlek saqlaw assambleyası qısalarında BMO Jeneva ofisında uzdırıldı.

Äğ’za illärneñ sälamätlek saqlaw ministrlıqlarınıñ wäkilläre qatnaşqan cıyılışta Tön’yaq Kipr Törek Cömhüriyäte Sälamätlek saqlaw ministrı İzläm Gürçağ Altuğra da küzätüçe äğ’za sıyfatı belän qatnaştı.

Cıyılışta äğ’za illär İq’tisadi xezmättäşlek oyışması töbägendä sälamätlek saqlaw ölkäsendä xezmättäşlekne arttıru maqsatınnan çığıp äzerlängän êşçänlek planı turında qaraşları belän urtaqlaştı.

Cıyılış näticäsendä kileşügä ireşelgän urtaq deklaraśiyädä Bötendönya sälamätlek saqlaw oyışmasınıñ “Kovid-19” belän bäyle bularaq yaqın waqıtta açıqlağan global’ ğadättän tış xälneñ betüe turındağı qararnıñ qanäğätlelek belän qarşılanuı äytelde.

Kizü barışında äğ’za illärneñ “Kovid-19” belän köräş qısalarında kürgän proaktiv çaralarnıñ möhimlegenä basım yasaldı.

Sälamätlek belän bäyle oxşaş wazğıyätlärgä qarata regional’ xezmättäşlekneñ arttırıluınıñ ähämiyäte iskärtelep uzıldı.

Cıyılışta Türkiyä isemennän Türkiyäneñ BMO Jeneva ofisı qarşındağı daimi wäkile, tulı wäqalätle ilçe Güvän Bägäç qatnaştı.