Çirkäslärneñ sörgene: 1864 nçe yılda närsä buldı?

21 nçe may öç ğasırdan artıq yaqlağan Watannarınnan 1864 nçe yılda sörgengä sörelgän çirkäslär öçen qarañğı kön bulıp sanala.

Kübese möselman bulğan çirkäslär Rusiya imperiyäse idaräse astında bik küp qayğı - xäsrät kürälär häm 1864 nçe yılda tuğan yaqlarınnan sörgengä cibärelälär.

Rusiya imperiyäse yazmalarına qarağanda, 400 meñnän artıq çirkäs kümäk sörgen waqıtında ülä häm räsmi bulmağan farazlarğa kürä yaqınça 1,5 million çirkäs deportaśiyälänä.

1864 nçe yılda närsä bula soñ?

Çirkäslär 1500 nçe yıllardan başlap Watannarın Rusiya imperiyäse höcümnärennän saqlıylar.

1800 nçe yıllarda qırıslıq-zolım waqıyğaları iñ yuğarı däräcägä citä.

Rusiya armiyäse Kavkaz tawlarına kerep çirkäslärne sistemalı räweştä yuq itep alarnı küçenergä mäcbür itä başlıy.

Rusiya ğaskärläre çirkäs ğaskärläreneñ ğailäläre yäşägän awıllarğa höcüm itälär.

Läkin çirkäslär Rusiya imperiyäsendä ruslaştıruğa häm küçerügä qarşı toralar.

 Yaqlar arasında soñğı suğış 1864 nçe yılnıñ mayında bula häm ul Rusiyäneñ ciñüe belän tämamlana.

Bu xäldän soñ çirkäslärgä tuğan yaqların taşlap kitüdän başqa çara qalmıy.

Sörgen yulı faciğalar belän tulğan bula.

Qorı cir häm diñgez aşa säyäxät könnär buyı däwam itä.

Meñlägän keşe açlıq, yoğışlı awırular, köymä hälakätläre arqasında ülä.

Bügenge köndä yaqınça 8 million çaması buluı farazlanğan çirkäslär böten dön’yada yäşi.

Kübese Türkiyädä yäşäwlären däwam itä.

Yıl sayın 21 nçe mayda dön’yanıñ törle poçmaqlarında yäşäwçe çirkäslär 1864 nçe yılda üterelgän häm deportaśiyälängän ata-babaların iskä alalar.