Bilgiç: “Türkiyä qırım tatarların yaqlarğa däwam itä”
Bilgiç: "Türkiyä qırım tatarları yäşägän ğazaplarınıñ beterelüe, töp watannarında milli üz-añnarın saqlap, isänlek häm iminlek êçendä yäşäwläre öçen êlek bulğanı kebek bügen dä yaqlawın däwam itä"
Türkiyä tışqı êşlär ministrlığı süzçese, tulı wäqalätle ilçe Tanju Bilgiç Türkiyäneñ qırım tatarları yäşägän ğazaplarınıñ beterelüe, töp watannarında milli üz-añnarın saqlap, isänlek häm iminlek êçendä yäşäwläre öçen êlekkege kebek bügen dä yaqlawın däwam itüen belderde.
Süzçe Bilgiç qırım tatarları häm çerkes sörgennäreneñ yıllığı turındağı sorawğa yazmaça cawap birde.
Qırımnıñ cirle xalqı qırım tatarlarınıñ, 79 yıl êlek tuğan yaqlarınnan köçläp alınıp, keşeleksez şartlarda sörgen itelüen xäterlätüçe Bilgiç: "Qawemdäşlärebezneñ kübese sörgen waqıtında yäki sörgen itelgän urınnarda häläq buldı. Köç qullanmıyça xaq-xoquq êzläwne däwam itterüçe qawemdäşlärebez 1944 sörgenennän soñ distä yıllar däwamında töp watannarı bulğan Qırım yarım utrawına qayta almadı,” – dip äytte.
Bilgiç: "Türkiyä qırım tatarları yäşägän ğazaplarınıñ beterelüe, töp watannarında milli üz-añnarın saqlap, isänlek häm iminlek êçendä yäşäwläre öçen êlek bulğanı kebek bügen dä yaqlawın däwam itä,” – dip bäyäläw yasadı.
Çerkes sörgeneneñ, 159 yıl êlek Qavqaz xalıqlarınıñ 21nçe may könne üz watannarın taşlap kitärgä mäcbür itelep, awır şartlarda zur yuğaltular birgän, här yıl bik qayğırıp iskä alınğan tragediya buluın iskärtep uzuçı Bilgiç:
"Qawemdäş qırım tatar törkiläre belän qardäş Qavqaz xalıqlarınıñ qayğısın urtaqlaşabız, urtaq xäterebezdä onıtılmas êz qaldırğan bu faciğale waqıyğalarda ğomerläre özelüçelärgä Allahtan yarlıqaw sorıybız häm xatiräläre aldında xörmät belän baş iyäbez,” – dip belderde.
