Äliyıv: "Ärmänstan belän tınıçlıq kileşüe qotılğısız”
Azärbaycan İlbaşı İlham Äliyıv Ärmänstannıñ Azärbaycan cirlären 30 yıl buyı yaw astında totuına häm töbäktä cimereklär yasawına qaramastan bu il belän tınıçlıq kileşüen imzalawnıñ qotılğısız buluına ışanuların häm monıñ öçen tırışlıq sarıf itüen äytte
Äliyıv Litva oçraşuları qısalarında İlbaşı Gitanas Nauseda belän oçraştı.
Söyläşüdän soñ oyıştırılğan urtaq matbuğat oçraşuında Äliyıv Ärmänstan belän tınıçlıq kileşüe söyläşülären bäyäläde. Azärbaycan Däwlät başlığı:
"Söyläşülärneñ Qavqazda ozaq möddätle tınıçlıq urnaştıraçağın ömet itäm. Azärbaycan cirläreneñ yaqınça 30 yıl buyı Ärmänstannıñ okkupaśiyası astında buluına qaramastan, yaw arqasında 1 million azärbaycannıñ üz cirlären taşlap kitüenä qaramastan, yawlap alınğan cirlärdä böten asqormanıñ okkupantlar tarafınnan cimerelüenä qaramastan tınıçlıq kileşüeneñ imzalanuınıñ qotılğısız buluına ışanabız häm şuşı maqsatqa ireşü öçen konstruktiv tırışlıqlarnı sarıf itärgä tırışabız. Älbättä, bu kileşü xalıqara normalarnı häm nigezlärne üz êçenä alırğa tiyış,” – dip äytte.
