Qazaqstan xökümäte räise bilgelände

Qazaqstanda xökümät başına yañadan Alixan İsmailov bilgelände

1967576
Qazaqstan xökümäte räise bilgelände

Qazaqstan İlbaşı idaräsennän yasalğan belderügä kürä, İlbaşı Qasıym Cumart Toqayıv “Amanat” partiyası ğomum başlığı Yerlan Koşanovnı qabul itte.

Koşanov oçraşu waqıtında partiya bularaq prem’yer-ministr känäfiyınä Alixan İsmailovnı namzät itep kürsätü qararın qabul itülären citkerde.

İlbaşı Toqayıv soñınnan Parlament binasında baş ministr namzäten söyläşü öçen Mäclestäge 6 säyäsi partiya başlığı belän oçraştı.

Annan soñ Mäcles ğomum utırışında qatnaşqan Toqayıv prem’yer-ministr wazıyfasına İsmailovnı täq’dim itte.

İsmailovnıñ xökümät räise buluı öçen ütkärelgän tawışqa quyuda qatnaşqan 97 xalıq ışanıçlısınıñ 7se tiskäre, 82se uñay tawış birde, 8 deputat isä tawış birüdän tıyıldı.

Bu räweşle İsmailov qabat baş ministr buldı.

İlbaşı idaräsennän yasalğan başqa ber belderüdä Toqayıvneñ parlamenttağı tawışqa quyudan soñ İsmailovnıñ baş ministr bularaq bilgelänelüe turında qararnamägä qul quyuı citkerelde.

İldä 19nçı martta ütkärelgän parlament saylawınnan soñ töp qanun nigezendä kiçä Qazaqstan xökümäte wazıyfadan kitkän ide.



Bäyläneşle xäbärlär