Törekmänstanda yäkşämbe könne saylaw ütkärelä
Törekmänstanda xalıq yäkşämbe könne xalıq ışanıçlıların, xalıq mäsläxäten häm cirle idarä organnarınıñ wäkillären saylaw öçen tawış biräçäk
İl külämendä 2 meñ 644 ärcädä tawış bireläçäk saylawlarda Törekmänstannıñ çit illärdäge diplomatik wäkilçeleklärendä dä 42 saylaw ärcäse urnaştırılaçaq.
Törekmänstan parlamentında 125 xalıq ışanıçlısı, Aşxabad häm vilayät xalıq mäsläxätendä 240 äğ’za, rayonnarda häm rayon däräcäsendäge şähär xalıq mäsläxätendä 960 äğ’za häm cirle idarä organnarında 5 meñ 897 äğ’za bar.
Xalıq ışanıçlısı saylawında xakimiyättäge “Törekmänstan demokrat” partiyası, “Törekmänstan sänäğätçelär häm käsepçelär” partiyası belän “Törekmänstan awıl xucalığı” partiyası belän bergä 3 säyäsi partiyanıñ häm ictimağıy iniśiativa törkemnäreneñ namzätläre yarışaçaq.
Deputat saylawında 3 säyäsi partiyadan tuplam 175 kandidat häm ictimağıy iniśiativa törkemnäreneñ 83 namzäte belän ber rättän cämğıse 258 namzät parlamenttağı 125 urın öçen köç sınaşaçaq.
Saylanaçaq xalıq ışanıçlıları, xalıq mäsläxäte häm cirle idarä organnarınıñ wäkilläre 5 yıl buyı wazıyfada qalaçaq.
Törekmänstanda 2021nçe yılda ike palatalı parlament sistemasına küçelgän ide. Läkin bıyıl ğıynwar ayında ildä xalıqnıñ yuğarı wäkillek organı "Xalıq mäsläxäte” tözelep, yañadan ber palatalı parlament sistemasına qaytılğan ide.
