"Suğışnı berqayçan yaqlamağan Azärbaycan Ärmänstan belän problemalarnı tınıç yul belän çişü yaqlı "

Qara diñgez iq’tisadi xezmättäşlek parlamentariylar assambleyası ğomum särqatibe Asaf Xaciyev suğışnı berqayçan yaqlamağan Azärbaycan Ärmänstan belän problemalarnı tınıç yul belän çişü yaqlı dip belderde.

Ul “Anadolu” agentlığına birgän interv’yusında Azärbaycan belän Ärmänstan arasındağı cir bötenlege bäxäseneñ tamırdan çişelergä tiyeşlegenä basım yasadı.

Xaciyev Kataloniyäneñ bäysezlek taläben iskä töşerep bolay dide: “Awrupa Berlege İspaniya yağında tordı häm bu taläpne “qabul itelmäslek” dip bäyäläde. İspaniyäneñ cir bötenlegenä xörmät kürsätüçelär Qarabaxqa kilgändä Qarabaxnı ärmännärgä tapşırırğa öndädelär. İspaniyäneñ cir bötenlegen xörmät itüçelär Azärbaycannıñ da cir bötenlegen xörmät itärgä tiyeş. Yuğisä bu ikelätä standart bulır”.

Asaf Xaciyev bilgeläp uzğança, Azärbaycan Qarabax suğışı belän basıp alınğan cirläreneñ zur öleşen kire aldı. Ärmänstan dialogqa yaqınlaşmasa, Azärbaycan qalğan cirlärne alu öçen köç qullanudan taypılmayaçaq.

Haciyev berqayçan da suğış yaqlı bulmawların assızıqlap, “Älbättä bez Ärmänstan belän yaña suğışqa kerergä telämibez ,çönki här suğışta yäş’lärebezne yuğaltabız. Bez Ärmänstan belän problemalarnı tınıç yullar belän çişü yaqlı. Ärmänstan suğış aşa tügel, söyläşü östäle artında, dialog belän qalğan cirlärebezne qaytarır dip ışanabız” dide.