Tatar: “Kipr greklarınıñ qorallanuınıñ töbäktä berkemgä dä faydası bulmayaçaq”
Tön’yaq Kipr Törek Cömhüriyäte İlbaşı Ärsin Tatar Kipr greklarınıñ qorallanuınıñ töbäktä berkemgä dä faydasınıñ bulmayaçağın belderde
Amerika Quşma Ştatlarınıñ Kön’yaq Kipr grek citäkçelegenä akkreditaśiyälängän Lefkoşa tulı wäqalätle ilçese Djuli Fişernı qabul itkän Tatar oçraşudan soñ jurnalistlarğa açıqlawlar yasadı.
Ärsin Tatar Fişernıñ wazıyfağa yaña başlawı uñayınnan oçraşular ütkärüen häm bu qısada küreşep söyläşülären belderde.
Fişerğa Kipr greklarınıñ qorallanuınnan qanäğätsezlegen citkerüen äytüçe Tatar:
"Amerika Quşma Ştatlarınıñ qoral êmbargosın ğamäldän çığaruı belän Kön’yaq Kipr grek citäkçelegeneñ qorallanuı - Könçığış Urta diñgezdä kiyırenkelekne arttıraçaq tiskäre waqıyğa. Kipr greklarınıñ qorallanuınıñ töbäktä berkemgä dä faydası bulmayaçaq. Şuşı qaraşlarımnı räsmilärgä citkerüe öçen Fişerğa belderdem,” – dide.
Tatar Kipr grekları belän räsmi söyläşülärneñ başlanuı öçen suveren tigezlek häm tigez xalıqara statusnıñ raslanuınıñ Tön’yaq Kipr Törek Cömhüriyäteneñ alşartı buluın Fişerğa añlatuların iskärtep uzdı.
Oçraşu waqıtında Könçığış Urta diñgezdäge tigezleklärneñ üzgärüen, Kiprda ike taraf arasındağı tigezlekneñ häm Türkiyäneñ garant il bularaq torışınıñ üzgärgän tigezleklär yaqtılığında bik zur ähämiyätkä iyä buluın telgä aluların citkerüçe Tatar üz säyäsätlären xuplawların teläwen äytte.
Amerika Quşma Ştatlarınıñ Lefkoşa tulı wäqalätle ilçese Fişer isä oçraşunıñ konstruktiv häm yaxşı uzuın belderde.
Fişer oçraşu waqıtında BMO İminlek Şurası qararları nigezendä Kipr söyläşüläreneñ ike töbäkle, ike taraflı säyäsi tigezlekkä tayanğan federaśiya nigezendä yañadan başlanuına qağılışlı Amerika Quşma Ştatlarınıñ yaqlawı, yöklämäse häm täwäkkällegeneñ däwam itüen Tatarğa citkerüen äytte.
