Azärbaycan cir teträw bulğan urınnarda toraq töziyäçäk
İl Türkiyädäge cir teträw afäte bulğan töbäklärdä 100 million dollar külämendä toraq, däwlät binaları häm belem birü oyışması töziyäçäklären belderde
Azärbaycan tışqı êşlär ministrı Cäyxun Bayramov Türkiyädäge cir teträw afäte bulğan töbäklärdä 100 million dollar külämendä toraq, däwlät binaları häm belem birü oyışması töziyäçäklären belderde. Ul Awrupa berlege komissiyäse häm Awrupa Berlege çor räise Şveśiyä oyıştırğan Xalıqara xäyriyäçelär konferenśiyäsendä qatnaştı.
Azärbaycan ministrlığınnan belderülärençä, Bayramov çarada çığış yasap, cir teträw buluğa uq Türkiyägä êzläw-qotqaru, mediśina xezmätkäre häm üzixtıyarıylardan toruçı 940 keşelek törkem cibärülären söyläde. Monnan tış ul 5 meñ 300 tonna gumanitar yärdäm iltülären häm maxsus oyışmalarnıñ xisabına 45 million dollar küçerülären dä äytte.
Bayramov Azärbaycannıñ monnan soñ da qardäş däwlät Türkiyäneñ yanında bulaçağın, zilzilädän soñ qabat tözü êşçänleklärenä matdi häm texnik yärdämneñ däwam itäçägen belderde.
Bäyläneşle xäbärlär
Antaliyada - “Tuqay, quray, şiğır’”
Ğabdulla Tuqaynıñ tuğan köne uñayınnan Törkiyäneñ Antaliya şähärendä şiğır' kiçäse ütkärelä
