Azärbaycanda Näwrüz qotlawları başlandı
Azärbaycanda törki dönyanıñ iñ möhim bäyrämnärennän, yaznıñ xäbärçese itep qabul itelgän Näwrüz bäyräme törle çaralar belän qotlana
İske bäyräm ğoref-ğadätläre yäşätelgän Azärbaycanda qotlawlarnıñ urını - Baqınıñ Surahanı rayonındağı Atäşgyah Mabädi (ut urını) buldı.
Baqılılar Atäşgyahta oyıştırılğan qotlaw çaralarına aşıqtı. Çarada törle muzıka törkemnäre säxnägä çıqtı, qorılğan stendlarda cirle aş-sular, qıyafätlär häm qul sänğätläre tanıtıldı.
Näwrüz uçağı yandırılğan çarada Azärbaycannıñ törle töbäklärennän kilgän cirle qıyäfätle sänğätçelärneñ muzıka häm biyü tamaşaları, akrobatlarnıñ çığışları täq’dim itelde.
Çara waqıtında qılıç qalqan tamaşaları belän törle sport yarışları da oyıştırıldı.
Näwrüz mönäsäbäte belän 27nçe martqa qadär räsmi yal iğ’lan itelgän ildä qotlawlar yal buyı däwam itäçäk.
Bäyläneşle xäbärlär
Näwrüz bäyräme
21 nçe martta yaz kilüen häm tabiğat’neň uyanuın simvollaştırğan Näwrüz bilgeläp ütelä
