Lavrov häm Bäyrämov Laçın koridorın söyläşte

Azärbaycan Tışqı êşlär ministrlığınnan yasalğan belderügä kürä, Lavrov häm Bäyrämov telefon söyläşüen ütkärde.

Bäyrämov oçraşu waqıtında Rusiyä köçläre waqıtlıça urnaşqan Azärbaycan cirlärendäge şaxtalarnıñ qanunsız êşlätelüeneñ häm Laçın yulınıñ naçar niyät belän qullanıluınıñ tuqtatıluı öçen ütkärelgän rizasızlıq çaralarında belderelgän taläplärneñ älegä ütälmäwen, qamalış häm humanitar wazğıyätkä qağılışlı raslawlarnıñ hiçber nigezeneñ bulmawın citkerde.

Ärmänstannıñ Azärbaycan cirlären 30 yıl buyı okkupaśiya astında totuına qaramastan 2nçe Qarabax suğışınnan soñ (2020) şunda uq Azärbaycannıñ Ärmänstan belän mönäsäbätlärneñ urnaştırıluı häm cayğa salınuı yünäleşendä täq’dimnär yasawına häm tınıçlıq urnaştırıluı öçen tırışlıq sarıf itüenä iğ’tibarnı yünältüçe Bäyrämov Ärmänstannıñ provokaśiyäläreneñ barışnı totqarlawın äytte.

Azärbaycan ärmän xalqı yäşäwçe häm waqıtlıça Rusiyä köçläre urnaşqan Azärbaycan cirlärendä şaxtalarnıñ qanunsız êşlätelüe häm monıñ näticäsendä tirä-yaqqa kiterelgän zararnıñ tikşerelüe häm kontrol’ maqsatınnan çığıp 10nçı dekabr’dä töbäkkä belgeçlär törkemen cibärgän, bu törkemnärneñ töbäkkä kerüen ärmännär totqarlağan ide.

Şuşı wazğıyät arqasında Azärbaycan êkologiya ictimağıy oyışma äğ’zaläre belän aktivistlar Azärbaycan cirlärendäge şaxtalarnıñ qanunsız êşlätelüeneñ tuqtatıluı taläbe belän 12nçe dekabr’dä Laçın koridorında rizasızlıq çarasın başlatqan ide.

Protestçılar Azärbaycan cirlärendäge ärmän xalqınıñ Ärmänstanğa barıp qaytu öçen qullanğan berdänber marşrut bulğan häm Laçın koridorı dip belengän yulda "êkologik terrorçılıqnı beterü” şiğarläre häm yazuları belän taläplären belderä.