Lavrov häm Bäyrämov Laçın koridorındağı torışnı söyläşte
Rusiyä tışqı êşlär ministrı Sergey Lavrov belän Azärbaycan tışqı êşlär ministrı Cäyhun Bäyrämov Azärbaycan êkologik ictimağıy oyışma äğ’zaläre belän aktivistlarınıñ Laçın koridorındağı şaxta protestların söyläşte
Azärbaycan Tışqı êşlär ministrlığınnan yasalğan belderüdä Lavrov häm Bäyrämovnıñ telefon söyläşüen ütkärüe turında citkerelde.
Bäyrämov Rusiyä köçläre waqıtlıça urnaşqan Azärbaycan cirlärendäge şaxtalarnıñ qanunsız êşlätelüenä rizasızlıq belderüneñ Azärbaycan watandaşlarınıñ legal’ xoquqı buluın, protestçılarnıñ xaqlı taläpläreneñ ütälüeneñ zarurlığın belderde.
"Laçın koridorınıñ Azärbaycan tarafınnan yabıluı, Azärbaycan cirlärendä yäşäwçe ärmännärneñ qamalış astına alınuı häm humanitar krizis tudırıluı” raslawlarınıñ nigezsez buluına basım yasawçı Bäyrämov yuldan här kön Rusiyä köçläreneñ, Xalıqara Qızıl xaç komitetınıñ distälägän maşinasınıñ häm ärmännärneñ aşığıç yök maşinalarınıñ uzuınıñ Ärmänstannıñ raslawların kire qağuın iskärtep uzdı.
Cäyhun Bäyrämov üzlären Azärbaycan cirlärendä yäşäwçe ärmännärneñ “wäkile” itep tanıtqan keşelärneñ, xalıqnıñ yulnı qullanuına qomaçawlap, yasalma "qamalış" häm "humanitar krizis" küreneşen tudıruınıñ qabul itelmäslek buluın belderde.
